અંબાજી 108 ની ટીમે 1 KM જેટલો ડુંગર ખેડી ને સફળ પ્રસુતિ કરાવી

ગુજરાત સરકારના માતા અને બાળ મૃત્યુદર ઘટાડવાના અભિગમને સાકાર કરતી 108 ની ટીમ ને સો સો સલામ ગુજરાત સરકાર દ્વારા ચાલતી નિઃશુલ્ક સેવા એટલે 108 એમ્બ્યુલન્સ સેવા જે 24/7 દોડતી હોય છે અને લોકોના જીવ બચાવતી હોય છે તેઓ જ એક કેસ અંબાજી 108 ની ટીમને તારીખ 4 ના રોજ અંદાજે સવારે ૦૮:૦૦ કલાકે ડીલીવરી નો કોલ મળતા કોલ મળતા અંબાજી 108 ની ટીમ તાત્કાલિક ઘટના સ્થળે જવા રવાના થઈ ગઈ હતી અને થોડીક દૂર પહોંચતા 108 ટીમના ઈએમટી અલકાબેને દર્દીની માહિતી લેવા માટે કોલ કરતા દર્દીના સગાએ જણાવ્યું હતું કે દર્દી ને પ્રસુતિની પીડા ખુબજ થાય છે અને એમ્બ્યુલન્સ ઘટના સ્થળે પહોંચી શકે તેવો રસ્તો નથી ત્યારબાદ 108 ની ટીમ ઘટના સ્થળ થી થોડી દુર પહોંચી અને પાયલોટ મહેન્દ્રભાઈ ની મદદ વડે એમ્બ્યુલન્સમાં રહેલા સ્ટેચર અને જરૂરી સાધનો લઈને પાન્છા ગામ ના ડુંગરિયાલ વિસ્તારમાંથી અંદાજે એક કિલોમીટર જેટલા ચાલીને દર્દી પાસે પહોંચ્યા હતા અને 108 ના EMT એ દર્દીને તપાસતા માલુમ પડ્યું હતું કે દર્દીની હાલત ખૂબ જ ગંભીર છે અને ઘટના સ્થળ પર જ ડીલીવરી કરાવી પડે તેવી પરિસ્થિતિ જણાતા તાત્કાલિક અમદાવાદ હેડ ઓફિસ સ્થગિત રહેલ ડોક્ટર શ્રી ને દર્દીની તમામ માહિતી જણાવીને ડોક્ટર શ્રી ની સુચના અનુસાર દર્દી રાધાબેન ને ઘટના સ્થળે જ એમ્બ્યુલન્સમાં રહેલી ડિલિવરી કીટ અને પાયલોટ મહેન્દ્રભાઈની મદદ વડે સફળ પ્રસુતિ કરાવી અને બાળકનો જન્મ થયો હતો અને બાળકની ગળામાં નાળ વીંટળાયેલી હતી તે ખૂબ જ ગંભીર પરિસ્થિતિ હતી તે બાળકની નાળ દૂર કરીને ત્યારબાદ એમ્બ્યુલન્સમાં રહેલા સ્ટેચર વડે દર્દીને પાયલોટ અને તેમના સગાવાલા ની મદદ થી અંદાજે એક કિલોમીટર જેટલા ચાલીને દર્દીને એમ્બ્યુલન્સમાં લાવ્યા હતા અને વધુ સારવાર અર્થે નજીકની સરકારી હોસ્પિટલમાં દાખલ કરવામાં આવ્યા હતા.તથા માતા અને બાળકનું જીવ બચતાં 108 ની સમગ્ર ટીમને તેમના પરિવારજનોએ આભાર વ્યક્ત કર્યો હતો