દિવાળીમાં 108 EMSએ 5,406 કેસો સંભાળ્યા, અકસ્માતોમાં 73% વધારો

Title : દિવાળીમાં 108 EMSએ 5,406 કેસો સંભાળ્યા, અકસ્માતોમાં 73% વધારો

Synopsis : દિવાળી દરમિયાન ગુજરાતમાં 108 EMSએ 5,406 ઇમર્જન્સી કેસો હેન્ડલ કર્યા, 12% વધારો. માર્ગ અકસ્માત 73%, અન્ય અકસ્માત 76%, શ્વાસ તકલીફ 5% વધ્યા. બર્ન 58, મારામારી 144% વધારો. સુરત-રાજકોટમાં સૌથી વધુ. નવા વર્ષે 18% વધારાની આગાહી.

 

દિવાળીના તહેવાર દરમિયાન ગુજરાત રાજ્યમાં ૧૦૮ ઈમરજન્સી મેડિકલ સર્વિસ (EMS) એ અવિરત અને અસરકારક કામગીરી દર્શાવી હતી. તહેવાર દરમિયાન કુલ ૫,૪૦૬ ઇમરજન્સી કેસ નોંધાયા, જે સામાન્ય દિવસોની સરખામણીએ ૧૨.૦૬ ટકા વધારે છે. વધેલા કોલ અને ઇમરજન્સી વચ્ચે પણ ૧૦૮ની ટીમે પોતાની કામગીરી સફળતાપૂર્વક સંભાળી, લોકોના જીવ બચાવ્યા.

 

 

માર્ગ અકસ્માતોમાં નોંધપાત્ર વધારો

દિવાળીના દિવસોમાં મુસાફરીના વધારાના કારણે માર્ગ અકસ્માતના કેસોમાં ૭૩.૧૮ ટકા ઉછાળો નોંધાયો. સામાન્ય રીતે ૫૨૯ કેસની સામે આ વર્ષે ૯૧૯ અકસ્માત કેસ નોંધાયા.

તે જ રીતે વાહન સિવાયના અકસ્માતો — જેમ કે ફટાકડાથી ઇજા, પડવાથી ઇજા, વગેરે — માં પણ ૭૫.૭૩ ટકા વધારો નોંધાયો. સામાન્ય ૪૯૧ કેસ સામે હવે ૮૬૨ કેસ નોંધાયા.

 

 

શ્વાસ લેવામાં તકલીફના કેસોમાં પણ વધારો

દિવાળી દરમિયાન ફટાકડાના ધૂમાડા અને પ્રદૂષણના કારણે શ્વાસ લેવામાં તકલીફના કેસોમાં ૪.૮૨ ટકા વધારો નોંધાયો.

 

 

જિલ્લાવાર સ્થિતિ:

મહાનગરોમાં સુરત (૮૩.૭૮%) અને રાજકોટ (૮૫.૬૮%) એ સૌથી વધુ વધારો નોંધાવ્યો.

નાના જિલ્લાઓમાં દાહોદ, પંચમહાલ, કચ્છ, ભાવનગર, આનંદ અને ખેડા માં પણ નોંધપાત્ર વધારો થયો, દરેક જિલ્લામાં ૨૫ થી વધુ ઇમરજન્સી નોંધાઈ.

 

 

વિશિષ્ટ ઇમરજન્સી કેટેગરી:

 

 

બર્ન ઇજાઓ: કુલ ૫૮ કેસ નોંધાયા, જેમાંથી અમદાવાદ (૧૭), સુરત (૮), જામનગર (૫) અને નવસારી (૪) મુખ્ય જિલ્લાઓ રહ્યાં.

 

 

મારામારી (ફિઝિકલ અસોલ્ટ) કેસ: ૧૪૪ ટકા વધારો નોંધાયો. તેમાં દાહોદ, ગાંધીનગર, જામનગર, કચ્છ, મહેસાણા, પંચમહાલ, રાજકોટ અને સુરત જિલ્લાઓમાં નોંધપાત્ર વધારો જોવા મળ્યો.

 

 

આગામી દિવસોની આગાહી:

૧૦૮-EMSના અંદાજ મુજબ, નવા વર્ષની ઉજવણી દરમિયાન ઇમરજન્સી કેસોમાં ૧૮.૨૪ ટકા અને ભાઈબીજના દિવસે ૧૨.૧૧ ટકા વધારાની સંભાવના છે.

 

 

દિવાળીના તહેવાર દરમિયાન ૧૦૮ ટીમો, ફિલ્ડ સુપરવાઈઝર, ઇમરજન્સી રિસ્પોન્સ ઓફિસર અને સપોર્ટ સ્ટાફે સતત સેવા આપી, જેનાથી હજારો લોકો સુધી સમયસર તબીબી મદદ પહોંચી.