"મહિલા રોકડ પુરસ્કાર યોજના" માટે અરજીઓ મંગાવવામાં આવી

મહિલા ખેલાડીઓ માટે મહિલા રોકડ પુરસ્કાર વર્ષ : ૨૦૨૪-૨૫ માટે અરજીઓ મંગાવવામાં આવી
________
(માહિતી બ્યુરો,પાલનપુર)

સ્પોર્ટ્સ ઓથોરિટી ઓફ ગુજરાત, ગાંધીનગર દ્વારા વર્ષ ૨૦૨૪-૨૫ માં વિવિધ રમતોની રાજ્યકક્ષાની શાળાકીય સ્પર્ધાઓ અં.૧૪, ૧૭, ૧૯ અને સ્કૂલ ગેમ્સ ફેડરેશન ઓફ ઇન્ડિયા દ્વારા આયોજિત રાષ્ટ્રકક્ષાની સ્પર્ધામાં એસ.એ.જી. દ્વારા રાજ્યનું પ્રતિનિધિત્વ કરેલ મહિલા ખેલાડીઓ માટે “મહિલા રોકડ પુરસ્કાર યોજના” માટે અરજીઓ મંગાવવામાં આવી છે.

આ યોજના અંતર્ગત, લાયક મહિલા ખેલાડીઓ ઓનલાઈન માધ્યમથી જરૂરી પ્રમાણપત્રો (મેરીટ સર્ટીફીકેટ, આધાર કાર્ડ, કેન્સલ ચેક વગેરે) સાથે સ્પોર્ટ્સ ઓથોરિટી ઓફ ગુજરાતની વેબસાઈટ https://sportsauthority.gujarat.gov.in પર તા. ૧૮/૦૩/૨૦૨૫ થી તા. ૧૭/૦૪/૨૦૨૫ દરમિયાન અરજી કરી શકશે.

પાત્રતા ધરાવતી મહિલા ખેલાડીઓને નિર્ધારિત સમય મર્યાદામાં અરજી કરવા અનુરોધ છે. વધુ માહિતી માટે, જિલ્લા રમત ગમત અધિકારી અથવા જિલ્લા રમત વિકાસ અધિકારી, પાલનપુર, બનાસકાંઠાનો સંપર્ક કરી શકાશે તેમ એક યાદીમાં જણાવ્યું છે.