પાલનપુરની કૉલેજમાં “CPR ટ્રેનિંગ અને રક્તદાન કેમ્પ” યોજાયો.

પાલનપુરની કૉલેજમાં “CPR ટ્રેનિંગ અને રક્તદાન કેમ્પ” યોજાયો.

બનાસકાંઠા ડિસ્ટ્રિક્ટ કેળવણી મંડળ સંચાલિત એમ.એ.પરીખ ફાઈન આર્ટ્સ એન્ડ આર્ટ્સ કૉલેજ, પાલનપુરમાં તારીખ- 08/12/2025 ના રોજ એન.એસ.એસ વિભાગ અને ઈન્ડિયન રેડ ક્રોસ સોસાયટી, બનાસકાંઠા સંયુક્ત ઉપક્રમે “CPR ટ્રેનિંગ અને રક્તદાન કેમ્પ”નું ભવ્ય આયોજન કરવામાં આવ્યું હતું. જેમાં CPR ટ્રેનિંગમાં 175 જેટલા વિદ્યાર્થીઓ જોડાયા હતા. CPR ટ્રેનિંગ માટે આવેલા ઇન્ડીયન રેડક્રોસ સોસાયટી બનાસકાંઠા જિલ્લાના ડિઝાસ્ટર ચેરમેન પ્રવિણભાઇ (પવનભાઈ) પ્રજાપતિએ તમામ સ્વયંસેવકોને CPR નું મહત્વ શું છે. જીવનમાં શું ઉપયોગી છે. કુટુંબમાં અને સ્વજનોમાં કઈ રીતે તેનો સ્વ બચાવ થઈ શકે તે અંતર્ગત પ્રયોગ દ્વારા ખૂબ જ સરળ શૈલીમાં વ્યાખ્યાન હતું. ત્યારબાદ ઇન્ડીયન રેડક્રોસ સોસાયટી બનાસકાંઠા જિલ્લાના  ચેરમેન ગીરીશભાઈ જગણીયા “રક્તદાન એ જ મહાદાન” નું મહત્વ શું છે તે જીવનમાં લોકોને કઈ રીતે મદદરૂપ બને છે તે અંગે તમામ વિદ્યાર્થીઓને સંબોધ્યા હતા. તેમાં 15 જેટલા સ્વયંસેવકોએ રક્તદાન કર્યું હતું. રક્તદાતાઓને આકર્ષક ગિફ્ટ અને સર્ટિફિકેટથી સન્માનિત કરવામાં આવ્યા હતા. આ સમસ્ત પ્રોગ્રામમાં મહેશભાઈ પટેલ તેમજ કૉલેજ સ્ટાફ મિત્રો જોડાયા હતા. આ સમગ્ર કાર્યક્રમ કૉલેજના આચાર્યશ્રી ડૉ.રમેશકુમાર બી. પટેલ સાહેબના માર્ગદર્શન હેઠળ કરવામાં આવ્યો હતો. જેનું આયોજન એન.એસ.એસ પ્રોગ્રામ ઓફિસર ડૉ.ગણપતભાઈ ચૌધરી અને ડૉ.ખુશ્બુબેન ચૌધરીએ કર્યું હતું