કોમન સર્વિસ સેન્ટર દ્વારા બનાસકાંઠા માં NPS અવેરનેસ વર્કશોપ યોજાયો

કોમન સર્વિસ સેન્ટર દ્વારા બનાસકાંઠા માં NPS અવેરનેસ વર્કશોપ યોજાયો

બનાસકાંઠા – કોમન સર્વિસ સેન્ટર (CSC) બનાસકાંઠા દ્વારા પાલનપુર ખાતે નેશનલ પેન્શન સિસ્ટમ (NPS) અંગે મહત્વપૂર્ણ અવેરનેસ અને ટ્રેનિંગ વર્કશોપ યોજાયો હતો. આ વર્કશોપનો મુખ્ય હેતુ જિલ્લાભરના VLE ને NPS ની કાર્યપદ્ધતિ, પ્રક્રિયા અને લાભો અંગે માહિતગાર કરવાનો હતો.વર્કશોપ દરમિયાન NPS માસ્ટર ટ્રેનર ડૉ. ઋત્વિક ભાવસાર દ્વારા NPS શું છે, કોણ લઈ શકે, તેનો રજીસ્ટ્રેશન પ્રોસેસ, ભવિષ્યમાં મળતા લાભો સહિતની તમામ વિગતવાર માહિતી આપવામાં આવી હતી.તેમણે સમજાવ્યું કે NPS એક સુરક્ષિત રોકાણ વ્યવસ્થા છે જેને અપનાવી સામાન્ય નાગરિકો તેમના ભવિષ્ય માટે મજબૂત આર્થિક આધાર ઊભો કરી શકે છે.વર્કશોપ દરમિયાન CSC દ્વારા આપવામાં આવતી બીજી મહત્ત્વની સેવાઓ જેવી કે લોન સર્વિસ, ઈન્સ્યોરન્સ સર્વિસ અને અન્ય G2C તથા B2C સેવાઓ અંગે પણ માર્ગદર્શન આપવામાં આવ્યું, જેથી VLE પોતાના વિસ્તારના નાગરીકોને વધુ સારી અને સરળ સેવાઓ આપી શકે.આ કાર્યક્રમમાં બનાસકાંઠાના મોટી સંખ્યામાં VLE જોડાયા હતા. કાર્યક્રમની સફળતા માટે CSC જિલ્લા મેનેજર શ્રી સંજયભાઈ પ્રજાપતિ, વિનોદ રણાવાસિયા તેમજ ડૉ. ઋત્વિક ભાવસાર (NPS માસ્ટર ટ્રેનર) ઉપસ્થિત રહ્યા હતા અને સૌને માર્ગદર્શન આપ્યું હતું.