ડોનાલ્ડ ટ્રમ્પે ઈરાન સાથે યુદ્ધવિરામ અનિશ્ચિત સમય માટે લંબાવવાની જાહેરાત કરી

 ડોનાલ્ડ ટ્રમ્પે ઈરાન સાથે યુદ્ધવિરામ અનિશ્ચિત સમય માટે લંબાવવાની જાહેરાત કરી

અમેરિકા ઈરાનના બંદરો અને દરિયાકાંઠા પર નાકાબંધી ચાલુ રાખશે.હજી સ્પષ્ટ થયું નથી કે ઈરાન, કે ઇઝરાયલ, બે અઠવાડિયા પહેલા શરૂ થયેલાયુદ્ધવિરામને લંબાવવા માટે સંમત છે કે નહીં.

અમેરિકાના રાષ્ટ્રપ્રમુખ ડોનાલ્ડ ટ્રમ્પે ઈરાન સાથે યુદ્ધવિરામ અનિશ્ચિત સમય માટે લંબાવવાની જાહેરાત કરી. સોશિયલ પોસ્ટમાં, શ્રી ટ્રમ્પે કહ્યું, આ પગલુંબંને દેશો યુદ્ધનો અંત લાવવા શાંતિ વાટાઘાટો ચાલુ રાખી શકે તે માટે લેવાયું છે. તેમણે કહ્યું તેઓ પાકિસ્તાનની વિનંતીપર આ પગલું લઈ રહ્યા છે.  ઉલ્લેખનીય છે કે બે અઠવાડિયાનોયુદ્ધવિરામ આજે સવારે સમાપ્ત થવાનો હતો. જોકે અમેરિકા ઈરાનના બંદરો અને દરિયાકાંઠા પર નાકાબંધી ચાલુ રાખશે.તેમણે કહ્યું કે જ્યાં સુધી ઈરાન “એકતાપૂર્ણ પ્રસ્તાવ” રજૂ ન કરે ત્યાં સુધી ઈરાની બંદરોની નાકાબંધીચાલુ રહેશે.હજી સ્પષ્ટ થયું નથી કે ઈરાન, કે ઇઝરાયલ, બે અઠવાડિયા પહેલા શરૂ થયેલાયુદ્ધવિરામને લંબાવવા માટે સંમત થશે કે નહીં.ઈરાનના સૌથી વરિષ્ઠ નેતાઓ તરફથી તાત્કાલિક કોઈ ટિપ્પણી કરવામાં આવી નથી, પરંતુ ઈરાનના રિવોલ્યુશનરીગાર્ડ્સ સાથે સંકળાયેલી સમાચાર એજન્સીએ જણાવ્યું કે ઈરાને યુદ્ધવિરામ લંબાવવાની માંગણી કરી નથી.