પાલનપુરમાં થયેલ હીરા ચોરીના આરોપીને મુદ્દામાલ સાથે પકડી પાડતી પાલનપુર શહેર પશ્વિમ પોલીસ

ગઇ તા.૧૧/૦૬/૨૦૨૫ ના કલાક ૨૦.૦૦ થી તા.૧૨/૦૬/૨૦૨૫ ના કલાક ૦૭.૩૦ ના સમય ગાળાદરમ્યાન ફરીયાદી શ્રી મિનેશ કમલેશભાઇ શાહ રહે પાલનપુર વાળાની કોજી વિસ્તાર માં આવેલ હીરા ની ફેકટરી માંથી કોઇ અજાણ્યા ઇસમે દરવાજાનુ તાળુ તોડી અંદર પ્રવેશ કરી કેબીન માં રાખેલ ડોઅર માં પોલીસ કરેલ હીરા કિ.રૂ ૧,૮૦,૦૦૦/-તથા એક ચાંદીની ચેઇન કિ.રૂ ૫૦૦૦/- ની ચોરી કરી લઇ ગયેલ ની ફરીયાદ દાખલ થયેલ હોય જે ગુનો અનડીટેકટ હોય જે ગુનો શોધી કાઢવા શ્રી પી.આર,મારુ પોલીસ ઇન્સ્પેકટર, પાલનપુર શહેર પશ્ચિમ પોલીસ સ્ટેશનનાઓના માર્ગદર્શન હેઠળ જુદી જુદી ટીમો બનાવી ચોરી માં ગયેલ મુદામાલ તથા આરોપી શોધવા સારૂ પેટ્રોલીંગમા હતા તે દરમ્યાન સંયુકત ખાનગી બાતમી હકીકત આધારે તેમજ નેત્રમ ઓફિસ પાલનપુરના સી.સી.ટી.વી. કેમેરાની મદદથી શંકાસ્પદ ઇસમ મળી આવતા તેની પુછપરછ કરવામા આવેલ તે પુછપરછ દરમ્યાન ચોરીમા ગયેલ હીરા તથા ચાંદીની ચેઇન રીકવર કરવામા આવેલ છે.