શ્રી સરસ્વતી આર્ટ્સ, કોમર્સ એન્ડ સાયન્સ કોલેજ લીંબોઈ ખાતે વૃક્ષારોપણ કાર્યક્રમ યોજાયો

NSS વિભાગ દ્વારા વૃક્ષારોપણ સાથે પર્યાવરણ સંરક્ષણનો સંદેશ અપાયો

પવન એક્સપ્રેસ | પાલનપુર

લીંબોઈ (મેમદપુર), તા. 24 જુલાઈ: શ્રી રાજપૂત કેળવણી સહાયક મંડળ, પાલનપુર સંચાલિત શ્રી સરસ્વતી આર્ટ્સ, કોમર્સ એન્ડ સાયન્સ કોલેજ, લીંબોઈ (મેમદપુર) ખાતે તા. 24 જુલાઈ, 2026ના રોજ કોલેજના NSS વિભાગ દ્વારા વૃક્ષારોપણ કાર્યક્રમનું આયોજન કરવામાં આવ્યું હતું.

કાર્યક્રમમાં રાજપૂત સમાજના વરિષ્ઠ ફોરેસ્ટ અધિકારી હડિયોલ સાહેબ, મંડળના પ્રમુખ મદારસિંહ સાહેબ, મંડળ તરફથી જામતુસિંહ, કેમ્પસ ડાયરેક્ટર ડૉ. એલ.એસ. મેવાડા સાહેબ, ઇન્ચાર્જ પ્રિન્સિપાલ આરીફભાઈ, કોલેજના તમામ સ્ટાફમિત્રો તથા NSSના વિદ્યાર્થીઓએ ઉત્સાહપૂર્વક ભાગ લીધો હતો.

કોલેજ કેમ્પસમાં વૃક્ષારોપણ

વૃક્ષારોપણ કાર્યક્રમ અંતર્ગત કોલેજ કેમ્પસમાં વિવિધ છોડનું વાવેતર કરવામાં આવ્યું હતું. વૃક્ષારોપણ બાદ રોપાઓને પાણી પીવડાવી તેમની યોગ્ય જાળવણી કરવામાં આવી હતી. સાથે જ રોપાઓનું રક્ષણ થાય તે માટે તેમની આસપાસ પાંજરા પણ મૂકવામાં આવ્યા હતા.

આ પ્રસંગે ઉપસ્થિત મહાનુભાવો અને વિદ્યાર્થીઓ દ્વારા પર્યાવરણના સંરક્ષણ માટે વૃક્ષોના મહત્વ અંગે જાગૃતિ ફેલાવવાનો પ્રયાસ કરવામાં આવ્યો હતો. વધુમાં વધુ વૃક્ષો વાવીને તેનું જતન કરવું એ સૌની સામૂહિક જવાબદારી હોવાનું જણાવી વિદ્યાર્થીઓને પર્યાવરણ પ્રત્યે જવાબદાર બનવા પ્રેરણા આપવામાં આવી હતી.

NSS વિભાગની મહત્વપૂર્ણ પહેલ

સમગ્ર કાર્યક્રમનું સંચાલન કોલેજના NSS પ્રોગ્રામ ઓફિસર પુષ્પરાજસિંહ ચૌહાણ દ્વારા કરવામાં આવ્યું હતું. કાર્યક્રમમાં કોલેજ પરિવાર તથા NSSના વિદ્યાર્થીઓની ઉત્સાહભરી ભાગીદારીથી વૃક્ષારોપણ અભિયાન સફળ રહ્યું હતું.

કોલેજ ખાતે યોજાયેલા આ કાર્યક્રમથી વિદ્યાર્થીઓમાં પર્યાવરણ પ્રત્યે પ્રેમ, વૃક્ષ સંરક્ષણ અને સામાજિક જવાબદારીની ભાવનાને વધુ મજબૂત બનાવવાનો પ્રયાસ કરવામાં આવ્યો હતો.

— પવન એક્સપ્રેસ | પાલનપુર