બનાસકાંઠાની આસ્થા પ્રજાપતિએ  કરાટે સ્પર્ધામાં ગોલ્ડ મેડલ જીતી જિલ્લાનું ગૌરવ વધાર્યું

બનાસકાંઠાની આસ્થા પ્રજાપતિએ  કરાટે સ્પર્ધામાં ગોલ્ડ મેડલ જીતી જિલ્લાનું ગૌરવ વધાર્યું

PAVAN EXPRESS

પાલનપુર: બનાસકાંઠા જિલ્લાના માટે ગૌરવની ક્ષણ સર્જાઈ છે. જિલ્લાના પ્રતિભાશાળી મહિલા કરાટે ખેલાડી આસ્થા પ્રજાપતિ યોજાયેલી કરાટે ચેમ્પિયનશિપમાં ઉત્કૃષ્ટ રમતનું પ્રદર્શન કરીને ગોલ્ડ મેડલ પોતાના નામે કર્યો છે. આ સિદ્ધિ બદલ ખેલાડીનું પરિવાર, કોચ, શિક્ષકો તેમજ સમગ્ર જિલ્લામાં આનંદની લાગણી વ્યાપી છે.

સ્પર્ધા દરમિયાન ખેલાડીએ આત્મવિશ્વાસ, શિસ્ત અને ઉત્તમ કૌશલ્ય સાથે પ્રતિસ્પર્ધીઓને પરાજય આપી પ્રથમ સ્થાન પ્રાપ્ત કર્યું હતું. વિજેતા બન્યા બાદ આયોજકો અને મહાનુભાવોના હસ્તે ગોલ્ડ મેડલ એનાયત કરવામાં આવ્યો હતો.

આ પ્રસંગે ઉપસ્થિત મહાનુભાવોએ ખેલાડીને અભિનંદન પાઠવતાં જણાવ્યું હતું કે, સતત મહેનત, નિયમિત તાલીમ અને આત્મવિશ્વાસના કારણે આ સિદ્ધિ પ્રાપ્ત થઈ છે. આવી સિદ્ધિઓ અન્ય વિદ્યાર્થીઓ અને યુવા ખેલાડીઓ માટે પ્રેરણારૂપ બનશે.

બનાસકાંઠા જિલ્લામાં કરાટે રમતને પ્રોત્સાહન આપતી સંસ્થાઓ તથા કોચના માર્ગદર્શન હેઠળ અનેક ખેલાડીઓ રાજ્ય અને રાષ્ટ્રીય કક્ષાએ પોતાની પ્રતિભા દર્શાવી રહ્યા છે. ગોલ્ડ મેડલ જીતનાર આ દીકરીએ સમગ્ર બનાસકાંઠા જિલ્લાનું નામ રોશન કર્યું છે.

પવન એક્સપ્રેસ તરફથી ગોલ્ડ મેડલ વિજેતા દીકરી આસ્થા પ્રજાપતિને હાર્દિક અભિનંદન તથા ઉજ્જવળ ભવિષ્ય માટે શુભેચ્છાઓ. 🏅