ગુજરાતી કલાકાર આદિત્ય ગઢવીનું ગીત ‘અલબેલી મતવાળી મૈયા’ 68 મા ગ્રેમી એવોર્ડસની રેસમાં સામેલ.

માતાજી અને માતૃત્વની મહિમા કરતા ગરબાની ગ્લોબલ મંચ પર પ્રશંસા.

નવરાત્રી આડે ગણતરીના દિવસો બાકી છે ત્યારે માતાજી અને માતૃત્વની મહિમા કરતા ગુજરાતી ગરબાને ગ્લોબલ મંચ પર વખાણ મળી રહ્યા છે. ગુજરાતના લોકપ્રિય ગાયક આદિત્ય ગઢવીનું ગીત ‘અલબેલી મતવાળી મૈયા’ 68મા ગ્રેમી એવોર્ડસની દોડમાં સામેલ થયું છે. ગુજરાત માટે ગૌરવની વાત છે કે આ ગીતને અમેરિકાના લોકપ્રિય મ્યુઝિક એવોર્ડમાં સિંગલ કેટેગરીમાં નામાંકન મળ્યું છે.

‘સેકડો ગીતમાંથી પસંદગી ગુજરાતી સંગીતજગત માટે મોટી સિદ્ધિ’

‘અલબેલી મતવાળી મૈયા ગરબે રમવા આવોને’ ગીતને રેસમાં સામેલ થવા બદલ સમગ્ર ગુજરાતમાં આનંદની લાગણી છે.આદિત્ય ગઢવીએ માતાજી અને માતૃત્વની મહિમા કરતા આ ગીત લખ્યું અને ગાયું છે. વિશ્વના અનેક ભાષાના સેકડો ગીતમાંથી આ ગીતની પસંદગી થવી એ ગુજરાતી સંગીત જગત માટે મોટી સિદ્ધિ ગણાવી શકાય. ગ્રેમી એવોર્ડ દુનિયાના પ્રતિષ્ઠિત એવોર્ડમાંની એક છે. દર વર્ષે વિશ્વભરના હજારો ગીતમાંથી શ્રેષ્ઠ ગીતની પસંદગી કરીને એવોર્ડ આપવામાં આવે છે. આ ગીતે ગુજરાતની સંસ્કૃતિને વૈશ્વિક મંચ સુધી પહોંચાડવાનો કાર્ય કર્યું છે.

આ રીતે સર્જાયું ‘અલબેલી મતવાળી મૈયા’ ગીતના શબ્દો માતાજીના પ્રેમ, મહિમા અને માતૃત્વના ગૌરવને વ્યક્ત કરે છે. લોકગીતની ઢબમાં લખાયેલ આ ગીતને યુવાનોથી લઈને વરિષ્ઠ સુધીના શ્રોતાઓએ ખૂબ પસંદ કર્યું છે. ગીતે સોશિયલ મીડિયા પર લાખો વ્યૂઝ મેળવે છે.