નિકેતન સ્કૂલે બોર્ડ પરીક્ષા 2026માં અભૂતપૂર્વ સિદ્ધિ હાંસલ કરીને શિક્ષણ જગતમાં નવો કીર્તિમાન સ્થાપિત કર્યો છે. શાળાનું કુલ પરિણામ 100% જાહેર થતા વિદ્યાર્થીઓ અને વાલીઓમાં ખુશીની લહેર દોડી

સુરતના વરાછા વિસ્તારમાં આવેલી નિકેતન સ્કૂલે બોર્ડ પરીક્ષા 2026માં અભૂતપૂર્વ સિદ્ધિ હાંસલ કરીને શિક્ષણ જગતમાં નવો કીર્તિમાન સ્થાપિત કર્યો છે. શાળાનું કુલ પરિણામ 100% જાહેર થતા વિદ્યાર્થીઓ અને વાલીઓમાં ખુશીની લહેર દોડી ગઈ છે. આખા વરાછા વિસ્તારમાં શ્રેષ્ઠ પ્રદર્શન કરતા નિકેતન સ્કૂલના 7 વિદ્યાર્થીઓએ A1 ગ્રેડ અને 22 વિદ્યાર્થીઓએ A2 ગ્રેડ મેળવી શાળાનું ગૌરવ વધાર્યું છે. વિદ્યાર્થીઓની આ આંકડાકીય સિદ્ધિ તેમની સખત મહેનત અને શાળાના શૈક્ષણિક સ્તરની ગુણવત્તાનો બોલતો પુરાવો છે.
આ ભવ્ય વિજયને વધાવવા માટે શાળાના પ્રિન્સિપાલશ્રી દ્વારા તમામ સફળ વિદ્યાર્થીઓ માટે એક વિશેષ અભિનંદન કાર્યક્રમનું આયોજન કરવામાં આવ્યું હતું. આ પ્રસંગે પ્રિન્સિપાલશ્રીએ વિદ્યાર્થીઓને બિરદાવતા જણાવ્યું હતું કે, આ સફળતા વિદ્યાર્થીઓની ધગશ, શિક્ષકોના સચોટ માર્ગદર્શન અને વાલીઓના સતત સહકારનું મીઠું ફળ છે. કાર્યક્રમ દરમિયાન તેજસ્વી તારલાઓનું સન્માન કરવામાં આવ્યું હતું અને તેમને આગામી કારકિર્દી માટે હાર્દિક શુભકામનાઓ પાઠવવામાં આવી હતી, જેનાથી સમગ્ર શાળા પરિવારમાં ઉત્સાહ અને ગૌરવનું વાતાવરણ છવાઈ ગયું હતું.