પાલનપુરમાં 'પ્રોજેક્ટ સપનું' અંતર્ગત વિદ્યાર્થીઓની કારકિર્દી માર્ગદર્શન માટે સફળ પહેલ: જિલ્લા રોજગાર અધિકારીનું સન્માન

પાલનપુર જિલ્લા રોજગાર કચેરી અને જિલ્લા શિક્ષણાધિકારી કચેરીએ સંયુક્ત રીતે પ્રોજેક્ટ સપનું કાર્યક્રમની શરૂઆત કરી છે. આ પ્રોજેક્ટ અંતર્ગત માત્ર 8 મહિનાના સમયગાળામાં 42 શાળાઓના 4131 વિદ્યાર્થીઓનો RIASEC ટેસ્ટ લેવામાં આવ્યો છે.

RIASEC ટેસ્ટ દ્વારા વિદ્યાર્થીઓની રસ-રુચિ જાણીને તેમને યોગ્ય કારકિર્દી માટે માર્ગદર્શન આપવામાં આવે છે. આ નોંધપાત્ર કામગીરી બદલ સ્વાતંત્ર્ય દિવસની ઉજવણી પ્રસંગે જિલ્લા કલેકટર મિહિર પટેલના હસ્તે જિલ્લા રોજગાર અધિકારી એમ.જે. પ્રજાપતિને સન્માનપત્ર અને ટ્રોફી એનાયત કરવામાં આવી.
દરેક વિદ્યાર્થીને વ્યક્તિગત કૌન્સેલીંગની સુવિધા પણ પૂરી પાડવામાં આવી છે. જિલ્લા રોજગાર અધિકારી એમ.જે. પ્રજાપતિએ જણાવ્યું કે આવતા કૅલેન્ડર વર્ષ સુધીમાં જિલ્લાની તમામ સરકારી અને ગ્રાન્ટ-ઇન-એઇડ શાળાઓને આ પ્રોજેક્ટમાં આવરી લેવામાં આવશે.