વડગામના મોરીયામાં જીવલેણ હુમલો કરનારા પાંચ આરોપીઓને ત્રણ વર્ષની કેદ

વડગામના મોરીયા ગામના રામજીભાઇ પ્રજાપતિ તા. 5 જુન 2024ના નવરાત્રિની રાત્રે ઘરમાં દિવો કરીને બહાર અગરબત્તી કરવા ગયા હતા. ત્યારે ગામના જયેશભાઇ નાનજીભાઇ પ્રજાપતિ, નાનજીભાઇ નાથાભાઇ પ્રજાપતિ, ગંગાબેન નાનજીભાઇ પ્રજાપતિ, મનુભાઇ નાનજીભાઇ પ્રજાપતિ અને વાલજીભાઇ નાથાભાઇ પ્રજાપતિએ ધારીયું, કુહાડી, દાતરડાથી હુમલો કરી ઇજા પહોચાડી હતી. આ અંગે સુધાબેન રામજીભાઇ પ્રજાપતિએ ફરિયાદ નોંધાવી હતી. જે કેસ વડગામની જ્યુડીશીયલ મેજીસ્ટ્રેટ ફસ્ટ કલાસની કોર્ટમાં ચાલી જતાં ન્યાયાધીશ રૂષિકેશસિંહ હરીશસિંહજી ચૌહાણે ફરિયાદીના વકીલ બી. ડી. દેસાઇની દલીલો ગ્રાહ્ય રાખી પાંચેય આરોપીઓને સજા ફટકારી હતી.

વડગામના મોરીયામાં અગિયાર વર્ષ અગાઉ નવરાત્રિમાં ગૃહસ્થ ઉપર જીવલેણ હુમલો કરનારા પાંચ આરોપીઓને ત્રણ વર્ષની કેદ અને રૂપિયા 2 હજારનો દંડની સજા કરવામાં આવી હતી.