શ્રી લક્ષ્મણપુરા પ્રાથમિક શાળામાં રબર ગર્લ યોગગુરુ યાના પટેલની ઉપસ્થિતિમાં ૧૧ માં વિશ્વ યોગ દિવસની ઉજવણી કરવામાં આવી.

આજરોજ વિશ્વ યોગ દિવસ નિમિતે શ્રી લક્ષ્મણપુરા પ્રાથમિક શાળામાં યોગ કરો અને નિરોગી રહો એ ઉદેશ્ય સાર્થક કરવાના હેતુથી યોગ દિવસનું આયોજન કરવામાં આવ્યું હતું.જેમાં બનાસકાંઠા કડવા પાટીદારની દીકરી અને રબર ગર્લથી જાણીતી યોગગુરુ યાના પટેલ ને આમંત્રણ આપવામાં આવ્યું હતું અને એ આમંત્રણ ને માન આપી યોગગુરુ યાના પટેલ ઉપસ્થિત રહ્યા હતા.જેમાં તેમણે શ્રી લક્ષ્મણપુરા પ્રાથમિક શાળાના બાળકો,યુવાન ભાઈઓ બહેનો તથા હાજર ગામના તમામ વડીલો ને પણ યોગનું શું મહત્વ છે તથા “યોગ કરો અને નિરોગી રહો” તેના ઉદ્દેશ્યને સાર્થક કર્યો હતો.જેના લીધે હાલમાં શ્રી લક્ષ્મણપુરા પ્રાથમિક શાળામાં ખાનગી શાળામાંથી ગામની જ સરકારી શાળામાં પ્રવેશ લીધેલ બાળકો પણ યોગગુરુ યાના પટેલ ને જોઈ ખુશખુશાલ જોવા મળ્યા હતા.આ યોગ શિબિરની શહીદ વીર ભરતભાઈ સ્મારક ભૂમિ પર શ્રી લક્ષ્મણપુરા પ્રાથમિક શાળાના આચાર્યશ્રી,શિક્ષક મિત્રો, ગામના સરપંચશ્રી,ગ્રામજનો તથા યુવા મિત્રોના માર્ગદર્શન દ્વારા આયોજન કરવામાં આવ્યું હતું.