જામબાઇની વાડીમાં દૂષિત પાણીના તળાવમાં ફેરવાઇ ગયું છે, લોકો ત્રાહિમામ પોકારી ઉઠ્યા છે

કોલેજ કમ્પાઉન્ડ વિસ્તારના જામબાઇની વાડીમાં દૂષિત પાણીના તળાવમાં ફેરવાઇ ગયું છે

પાલનપુરના માન સરોવર તળાવનો રૂ. 9 કરોડના ખર્ચે વિકાસ કરવામાં આવી રહ્યો છે. તળાવ માં જતું ગંદુ પાણી અટકાવી દેવામાં આવતાં હવે માવજત હોસ્પિટલ પાછળ કોલેજ કમ્પાઉન્ડ વિસ્તારના જામબાઇની વાડીમાં દૂષિત પાણીના તળાવમાં ફેરવાઇ ગયું છે. આ વિસ્તારમાં 1 હજાર જેટલા પરિવારો રહે છે. રહિશોએ જણાવ્યું કે, દુર્ગંધ અને મચ્છરોના ત્રાસથી કંટાળી ગયા છીએ નાછુટકે અમારે આંદોલન કરવું પડશે.

સોસાયટી ના રહિશોએ આક્રોશ પૂર્વક જણાવ્યું કે, નગરપાલિકા દ્વારા માન સરોવરનો વિકાસ કરવામાં આવી રહ્યો છે. વર્તમાન સમયે ઠલવાતા ગંદા પાણીનો અન્યત્ર નિકાલ કરવાને બદલે તળાવથી દૂર રોકી દેવામાં આવ્યું છે.જેના કરને અહીના રહીસો ત્રાહિમામ પોકારી ગયા છે અને નગરપાલિકા ફક્ત વાયદા ઓજ આપે છે કે થોડાજ દિવસોમાં આ ગંદુ પાણીનો નિકાલ કરી દેવામાં આવશે પણ આ થોડા દિવસે ક્યારે આવશે તે કહેતા નથી.